Agid

Remarca: Quei ei la versiun digitala dil Niev vocabulari romontsch sursilvan-tudestg da dr. Alexi Decurtins. La versiun stampada ei concepida per encurir mo en direcziun romontsch -> tudestg. La versiun digitala possibilitescha era d'encurir ella direcziun cuntraria ch'ei denton meins cumpleta.

Encurir

Per encurir in plaid saveis Vus semplamein scriver quel el camp «plaid» e smaccar sin «encurir» (ni smaccar la tasta Enter sin Vossa tastatura).

Restrenscher ils resultats

Il NVS online porscha differentas pusseivladads per definir pli exact quei che Vus encuris.

«Encurir il plaid»

Cun questa funcziun pudeis Vus definir co il program duei encurir il plaid encuretg. Els exempels suandonts presumein nus che Vus haveis endatau il plaid "casa" el camp «plaid».

• «all'entschatta»: Quella funcziun enquera il tierm endatau el camp «plaid» all'entschatta dil plaid. Aschia saveis Vus p.ex. anflar ton il plaid "casa" sco era il plaid "casada".
• «egl intern»: Quella funcziun enquera il tierm endatau el camp «plaid» egl intern d'in plaid. Aschia saveis Vus p.ex. anflar il plaid "dentercasas", denton era il plaid "casa".
• «alla fin»: Quella funcziun enquera il tierm endatau el camp «plaid» alla fin dil plaid. Aschia saveis Vus p.ex. anflar il plaid "avoncasa" sco era il plaid "casa".
• «exact»: Quella funcziun enquera exact il tierm endatau el camp «plaid». Aschia saveis Vus mo anflar il plaid "casa".

«Encurir»

Cun questa funcziun saveis Vus definir nua che Vus vuleis encurir il tierm el vocabulari:

• «cavazzin romontsch»: Quei modus enquera mo els cavazzins romontschs; denton buc ellas indicaziuns cumpletas davart ils cavazzins.
• «cavazzin tudestg»: Quei modus enquera mo els cavazzins tudestgs; denton buc ellas indicaziuns cumpletas davart ils cavazzins.
• «cavazzin romontsch e tudestg»: Quei modus enquera schibein els cavazzins romontschs sco era els cavazzins tudestgs. El enquera denton buc ellas indicaziuns cumpletas davart ils cavazzins.
• «egl entir vocabulari»: Quei modus enquera il tierm schibein els cavazzins romontschs e tudestgs sco era en tut las indicaziuns cumpletas davart ils cavazzins. Quei modus ei perquei fetg adattaus per encurir locuziuns.
  Remarca: Sche Vus tschernis quei modus dad encurir, ha la funcziun selecziunada tier «encurir il plaid» negina influenza pli.